CONTACONTOS “DÚAS NENAS MOI VALENTES”
Este venres visítanos Trémola Teatro co contacontos “Dúas nenas moi valentes”. Estarán as 18:30 h no edificio multiusos de Ourol.
Para inscricións chamar ó teléfono 982 55 90 19
ESPECTÁCULO DE TÍTERES: COUSAS DE CASA
Espectáculo de Títeres: Cousas de Casa
Día: 4 de marzo
Horario: 18:30 h
Destinatarios: nenos e nenas a partir de 2 anos
Lugar: Edificio multiusos de Ourol
Prazo de inscrición: ata o 1 de marzo no teléfono 982 55 90 19
DÍA INTERNACIONAL DA MULLER E DA NENA NA CIENCIA
Hoxe celébrase o Día Internacional da Muller e a Nena na Ciencia. Desde a Biblioteca Municipal de Ourol queremos rendir homenaxe a tres mulleres de Ourol pioneiras en ciencias.
Remedios Vázquez García, nada o 12 de maio de 1903 en Vilares (Merille-Ourol). Estudou na Facultade de Farmacia en Santiago de Compostela de 1939 a 1946.
Segunda Vázquez García, nada o 1 de marzo de 1903 en Vilares (Merille-Ourol). Estudou na Facultade de Santiago de Compostela de 1926 a 1934.
Aurora Chao Quintana, nada o 20 de maio de 1920 en Ourol. Estudou a Licenciatura de Química en Santiago de Compostela e tamén farmacia e maxisterio. Foi pioneira no manexo de programas informáticos.
Fernandez, M.I.(2021). Pioneiras de ciencia de Lugo. Lugo. Asociación Colectivo Egeria.
LECTURAS CONTRA A VIOLENCIA
A biblioteca de Ourol conmemora o Día Internacional contra a Violencia de Xénero seleccionando as seguintes lecturas coa finalidade de remover conciencias e cambiar conductas que deben iniciarse con pequenos actos cotidianos.
EXPOSICIÓN “AMAR A MAR. MARIÑAS, MAROSAS E MARUXAINAS”
O Museo Provincial de Lugo inaugurou a exposición “Amar a mar. Mariñas, marosas e maruxainas” co obxectivo de facer un recoñecemento público ás mulleres da mariña. A mostra consta de 16 retratos de mulleres e duns textos sobre o papel das mulleres na comunidade. O concello de Ourol está representado por Bárbara Gil que como moitas mulleres do noso concello representa á muller traballadora, rural e tamén emigrante.
VISITAS
A exposición permanecerá aberta ata o 8 de marzo. Pode visitarse de forma presencial chamando ó teléfono 982 242 112 e tamén está disponible a visita virtual na plataforma multicanle comunidadermpl.es. O horario de visitas é de luns a venres de 9 a 21 horas; os sábados de 10:30 a 14 horas e os domingos e festivos de 11:00 a 14:00 horas.
Animamos a todos os veciños e veciñas de Ourol a que de forma virtual ou presencial visiten esta exposición tan interesante que pon o foco de atención no papel da muller na nosa sociedade.
O enlace para acceder de forma virtual é o seguinte: